2 – İlticânâme-i Rizâiye

 ( التجانامهء  رضائيه )
بِسْــمِ اللهِ الرَّحْمَنِ الرَّحِيمِ

 مقدمه

بودر  بر  التجانامه  خدادن  ايتدم  استمداد
كه ذره يوق ايكن بنده بونى يازماغه استعداد

اوزاتدم دستمي رحم ايت بكا يا قاضي الحاجات
بوديوان   فقيرانهم    ايله    ايتمكده يم     فرياد

مقرب قوللركله بو  فقيري  حشر و  نشر  ايله
كرم قيل لطف و فضلكله قبو كدن ايله مه ابعاد

نه كيمسه مرحمت ايلر نه بر فرددن اولور ياردم
اكر اولمز ايسه سندن الهى عبدكه امداد

يوزم يوق عرض حاجاته قتى مجرمقولوم أما
سنك وارليغكا برلكنه بن ايلرم اشهاد

إلهى رحمتك بحرينه غرق ايت بز كناهكارى
اكر لطف ايتمسيدك عالمى ايتمز ايدك ايجاد

كه كَيتدى أسكه مسلملر جهانك روفق صولدى
زمانه اويمادق شيمدى نه اولاد قالدى نه احفاد

سكا بو التجانامه قبول ايت مرحمت أيله
دوشوند كجه بقا ملكن كه ياندي سينه ده أكباد

بولوندق فتنه دردنده بزى حفظكده قيل يا رب
بو زولدى شيمدىجوق افراد جهانى ايتديلر افساد

سنك لطفكه نسبتله نه در يا حضرت وهاب
رضاي جمله اسلامى جحيمدن أيله آزاد

( حرف الألف )

يا الهى جوق قصورله يوز طوتوب كلدم سكا
لطف قيل شهر حبيبك ايله سن مسكن بكا 

جسمى    مزارايت    بو   تراب   طيبه   ده
حشره  قالديغم  زمانده  اوله بر درمان بكا 

 الأمان  طرد   ايتمه  بو  شهر  حبيبكدن  بنى
يا رسول  الله  مدد  قيل  اولايم جيران سكا

دولت   ايمان    حق    بختيار    قيلدى    بنى
جمله نعمتلر دن أعظم  قلبده كه  ايمان  بكا

فتنه دور زماندن قورتاروب آلدك بنى
شكرى هيج ايفا اولونماز بر بيوك احسن بكا

بولميشم  أمن و أمانى دار هجرت ايجره بن
جنكه هيج ايرمز بو يويرده طغنه دشمن بكا

يا حبيبي يا محمد لطف قيل طوت دستمى
بو رضائى قبد كمتر كلدى بر مهان سكا

نيازى بابا قدس الله سره نك غزلنه تخميسدر

ليل ونهار قرآن اوقو ايشته دوا قرآن سكا
قبرك ايجنده نور ويرن حق يولنا برهان سكا

مطلوبكى آندن ديله ايلر آنى احسان سكا
اى درده درمان ايستيه ن يتمزمى درمان سكى

اى راحت جان ايستيه ن قر بان اولاندر جان سكى
انكارى قويده صيق صاريل بيرانه وير اقرار ليغك

ذكره جاليش كوسترنه در بو عرصه ده انسانليغك
هردم طوتوب طورمز سني فانى جهانده صاغليغك

 ياغما ايدرسك وارليغك كيدر كوكالدن طارليغك
محوايله سن اغيار ليغك يار اوليسر مهمان سكا

بيلدر مدى مولا سكا روز أزلكى يازيكى
خوف و رجا اوزره همان ايله حقه نيازكى
بانده اوطور بنده اول ارشاد ايدن استاذكى

توحيده طابشور اوزيكى كمسه يه آجمه رازكى
شيخ ايزينه طوت يوزيكى شيخك يتر برهان سكا 

بيلدر مدى مولا سكا روز أزلكى يازيكى

خوف و رجا اوزره همان ايله حقه نيازكى

بانده اوطور بنده اول ارشاد ايدن استاذكى

توحيده طابشور اوزيكى كمسه يه آجمه رازكى
شيخ ايزينه طوت يوزيكى شيخك يتر برهان سكا